Iniciativa prekëse e djalit të heroit Xhavit Haziri: Bëthirrje për t'u mbushur Kosova me simbole të UÇK-së

Çlirim Haziri, i njohur si organizator i protestës “Jo në emrin tim”, ka ndërmarrë një hap të ri patriotik duke u bërë thirrje qytetarëve mbarë vendit që të ngrenë flamurin e Ushtrisë Çlirimtare të Kosovës nëpër shtëpitë e tyre. Nëpërmjet një videopublikimi ku shihet duke vendosur vetë flamurin në banesën e prindit të tij, heroit të kombit Xhavit Haziri, ai ka ftuar publikun që të shfaqë këtë simbol në dritare, ballkone dhe oborre. “Po e veshim Kosovën me flamujt e UÇK-së! Vendose edhe ti një flamur në shtëpi, në ballkon, në dritare. Le të shihet kudo. Kosova nuk harron. UÇK-ja nuk është vetëm!”, ka shkruar Haziri në mesazhin shoqërues të videos. Në mbyllje të këtij njoftimi, ai ka përcjellë një dedikim domethënës: “UÇK, të fala nga Kosova!”