Ndërpritet furnizimi me ujë në Begracë dhe Kaçanik të Vjetër

KRU “Bifurkacioni” ka njoftuar se nesër, më 24 shtator 2026, do të ketë ndërprerje të përkohshme të furnizimit me ujë të pijshëm në fshatrat Begracë dhe Kaçanik i Vjetër. Sipas njoftimit, ndërprerja do të nisë nga ora 08:00 dhe vjen si pasojë e disa punimeve që po zhvillohen në rrjetin kryesor, afër pompave përmes të cilave furnizohen konsumatorët e këtyre dy fshatrave. Ekipet e KRU “Bifurkacioni” janë duke punuar për sanimin e defektit, ndërsa nga ndërmarrja kanë bërë të ditur se synohet që furnizimi me ujë të rikthehet brenda ditës. KRU “Bifurkacioni” ka kërkuar mirëkuptimin e konsumatorëve gjatë kohës së ndërprerjes. /Telegrafi/