Vazhdon marshimi ‘Jo në emrin tim’: Njoftohet ndryshimi i orarit për protestën e natës së 17-të në kryeqytet

Protesta qytetare “Jo në emrin tim” do të mbajë mbrëmjen e sotme edicionin e saj të 17-të me radhë në sheshin “Skënderbeu” në Prishtinë, ndërkohë që është bërë i ditur edhe një modifikim në orarin e nisjes. Lajmi është konfirmuar nga organizatori i kësaj nisme, Çlirim Haziri, i cili përmes një njoftimi publik ka bërë të ditur se tubimi i sotëm do të startojë duke filluar nga ora 19:00. “KUJDES – NGA SONTE NDRYSHON ORARI! ORA 19:00. Sheshi ‘Skënderbeu’”, ka shkruar ai në mesazhin e tij drejtuar publikut. Në thirrjen e tij drejtuar qytetarëve, Haziri ka theksuar rëndësinë e vazhdimësisë së kësaj proteste, duke i ftuar ata që të bëhen sërish bashkë në shesh. “17 net rresht. Për UÇK-në. Për drejtësi. Shihemi sonte në ora 19:00!”, ka përfunduar ai.