Banorët e sheshit në Vushtrri në hall nga tymi i një shtëpie që po ndez “qymyr”: “Nuk kemi si të dalim në ballkon as t’i hapin dritaret”

Publikuar më: Banorët që jetojnë në sheshin e qytetit në Vushtrri janë në hall nga tymi i një shtëpie. Sipas tyre, pronari i kësaj shtëpie po ndez thëngjill dhe po e ndot ambientin shumë, shkruan Jepi zë. Qytetarët vushtrrias thonë se është e pamundur dalja në ballkon apo hapja e dritareve për shkak të tymit që del nga oxhakun i kësaj shtëpie. Në pamjet e dërguara në “Jepi zë” shihet edhe sheshi i qytetit që është i mbuluar nga ky tym i tmerrshëm. Ndryshe, këta banorë kërkojnë nga organet përgjegjëse t’i ndalohet kjo ndotje e ambientit pasi po u rrezikohet jeta e tyre./ Jepi zë