Vojvoda: Duhet të jemi më të gëzuar për 1 pikë

Kapiteni i Kosovës Mërgim Vojvoda, u deklarua pas barazimit 0:0 kundër Izraelit. Vojvoda tha se duke pasur parasysh rrjedhën e lojës duhet të jenë të kënaqur me rezultatin. "Edhe ata i kanë goxha raste për ta fituar lojën. Kështu që duhet të jemi më të gëzuar për 1 pikë se që i kemi humbur 2",deklaroi kapiteni. Kapiteni tha se dëshira ka qenë për ta fituar ndeshjen dhe se ende gjithçka është e hapur në grup.