Aurora Rrusta shkëlqen në natën e kanagjegjit: Ish-banorja e BBVK 4 feston para dasmës së madhe

Ish-banorja e edicionit të katërt të 'Big Brother VIP Kosova', Aurora Rrusta, ka nisur zyrtarisht festimet para ditës së saj të kurorëzimit. Sonte, ajo ka organizuar natën e kanagjegjit, duke shënuar kështu momentin e parë të rëndësishëm në prag të ceremonisë martesore. Në këtë mbrëmje festive, Aurora ka zgjedhur të prezantohet me një pamje tejet elegante, e veshur me veshjen tradicionale 'dallamë'. Paraqitja e saj ka marrë vëmendjen e të gjithëve, ndërsa për detajet estetike dhe grimin është kujdesur artistja Edita Abazi, e cila ka ndarë me ndjekësit në rrjetet sociale momente nga përgatitjet dhe rezultati final i dukjes së nuses. Aurora dhe partneri i saj, Kushtrim Keljani, të cilët u njohën dhe krijuan romancën gjatë qëndrimit në shtëpinë e famshme të 'Big Brother VIP Kosova', pritet që të martohen në fillim të muajit tetor. Çifti e kishte bërë publike lidhjen e tyre menjëherë pas përfundimit të spektaklit. Me këtë organizim, Aurora ka shënuar fillimin e rrugëtimit drejt martesës me Kushtrimin, duke ndarë gëzimin e kësaj feste të veçantë me miqtë dhe familjarët e saj.