Krizë në Madrid: Endrick drejt largimit, Roma gati për ta rikthyer në Serie A

Sulmuesi brazilian, Endrick, po përjeton një moment tejet sfidues në karrierën e tij pas rikthimit te Real Madrid, pas periudhës së huazimit që kaloi te Lyon gjatë pjesës së dytë të sezonit të kaluar. Lojtari duket se nuk gjen hapësirat e duhura në skemat taktike të trajnerit Jose Mourinho, fakt ky i dëshmuar nga minutazhi tejet i kufizuar: vetëm 4 minuta të luajtura deri në këtë fazë të kampionatit. Kjo situatë ka krijuar një pakënaqësi të hapur te talenti brazilian. Sipas informacioneve të fundit, futbollisti pritet të analizojë të ardhmen e tij me t’u arritur gjysma e sezonit. Një largim gjatë afatit kalimtar të janarit mbetet një opsion tejet konkret, ndërsa interesimi i Romës është rikthyer në qendër të vëmendjes. Kryeqytetasit italianë e kishin synuar lojtarin edhe gjatë merkatos verore dhe vazhdojnë të mbajnë kontakte për shërbimet e tij. Ndryshe nga lëvizjet e mëparshme, këtë herë largimi i Endrick nga “Santiago Bernabeu” mund të marrë një formë përfundimtare. Strategjia më e mundshme që po diskutohet është huazimi me të drejtë blerjeje në fund të sezonit, një formulë kjo që ndryshon nga huazimi i thjeshtë që u aplikua vitin e kaluar te skuadra franceze e Lyonit.