A po rikthehet Victoria Beckham te muzika? Një foto nga studio ndez aludimet

Një postim i fundit në rrjetet sociale nga Cruz Beckham, djali më i vogël i familjes Beckham, ka ngritur valë aludimesh rreth një rikthimi të mundshëm të nënës së tij, Victoria Beckham, në skenën muzikore. Ai ndau me ndjekësit një imazh të përbashkët nga studio, të shoqëruar me diçiturën ku shkruante: “Po, e rikthyem Posh-in në studio ;)”. Siç dihet, rrugëtimi artistik i Victoria-s nisi me grupin ikonik të viteve '90, Spice Girls, të cilët shënuan një sukses të jashtëzakonshëm global. Pas shpërbërjes së këtij formacioni, ajo provoi për një periudhë të shkurtër fatin si soliste, për ta zhvendosur më pas vëmendjen e plotë drejt industrisë së modës. Marka e saj e njohur e veshjeve luksoze, “Victoria Beckham”, operon me sukses qysh nga viti 2008, duke regjistruar arritjet e saj më të fuqishme pikërisht gjatë këtij viti. Për sa i përket krijimtarisë muzikore, ajo nuk ka publikuar asnjë material të ri prej 25 vitesh, saktësisht që nga lançimi i albumit të saj të parë solo në vitin 2001. Megjithatë, prania e saj e fundit në studio krah djalit të saj ka ringjallur shpresat e fansave, duke lënë të kuptohet se ajo mund të përgatisë një rikthim surprizë në tregun muzikor.