Misioni në Vjenë, Rashica paralajmëron synimin e qartë të Përfaqësueses së Kosovës ndaj Austrisë

Përfaqësuesja e Kosovës ka hyrë në fazën intensive të përgatitjeve për sfidën e ardhshme në kuadër të “Nations League”, ku synimi mbetet vetëm rezultati pozitiv. Grupi i futbollistëve dardanë do të udhëtojë drejt kryeqytetit austriak për të matur forcat me kombëtaren vendase, me objektivin e qartë për të siguruar fitoren e dytë në këtë edicion të garave evropiane. Në prag të këtij takimi të rëndësishëm, nga kampi stërvitor on fjalën e tij e ka marrë sulmuesi anësor Milot Rashica, i cili ka shprehur besim të plotë te potenciali i skuadrës për të triumfuar në këtë transfertë të vështirë. “Besoj që është edhe një kundërshtar më i fortë, por edhe në të kaluarën kemi tregu që edhe kundër kundërshtarëve edhe ekipeve të mëdhaja dimë të bëjmë paraqitje të mira, kështu që po synojmë për tre pikë dhe shpresojmë me u kthy me tre pikë”, deklaroi numri shtatë i Përfaqësueses së Kosovës. Dueli mes Austrisë dhe Kosovës është planifikuar të zhvillohet këtë të diel në stadiumin “Ernst Happel”, me sfidën që do të nisë zyrtarisht në orën 18:00.