Nga sukseset në fushën e blertë te jeta private, sulmuesi Veton Tusha kurorëzon dashurinë

Sulmuesi nga Kosova, Veton Tusha, ka bërë një hap të rëndësishëm në jetën e tij personale, duke i dhënë fund beqarisë, një lajm ky që është bërë i ditur përmes një postimi në rrjetet sociale. Në fotografitë e publikuara së bashku me partneren e tij, 23-vjeçari ka zbuluar unazat e fejesës, ndërsa ka ndarë me ndjekësit edhe datën e kurorëzimit të tyre. Pavarësisht rinisë së tij, Tusha ka regjistruar një karrierë mjaft të suksesshme në rang klubesh me 6 trofe të fituar deri më tani. Pikë kthese në karrierën e tij ka qenë periudha te Ballkani nën drejtimin e trajnerit Ilir Daja, ku ai fitoj plot 3 trofe brenda një harku kohor prej dy vitesh. Aktualisht, sulmuesi po luan në kampionatin slloven me fanellën e Celjes. Më parë, gjatë edicionit 2023-2024, ai ka qenë pjesë e Dinamos në Abissnet Superiore, ku u aktivizua në 18 takime, por paritur që të lërë shenjë me gola apo të fitojë ndonjë trofe.