Tetori nis me mot të qëndrueshëm: Ja parashikimi për ditën e sotme

Dita e sotme, 1 tetor 2026, do të vijojë të karakterizohet nga kushte të qëndrueshme atmosferike, duke ruajtur të njëjtën panoramë meteorologjike si ditët e kaluara. Në të gjithë territorin e vendit mbizotëron moti i kthjellët. Megjithatë, gjatë orëve të mesditës, në zonat kodrinore dhe ato malore pritet të shfaqen vranësira të lehta dhe kalimtare, të cilat nuk do të sjellin ndryshime thelbësore. Sa i përket parametrave të erës, ajo do të fryjë nga drejtimi verilindor në veriperëndimor me një shpejtësi mesatare prej 7 m/s. Megjithatë, në zonat bregdetare të veriperëndimit, si dhe në lugina e zona malore, erërat do të intensifikohen duke arritur shpejtësi deri në 16 m/s. Situata në det mbetet e qetë, ku valëzimi do të jetë i forcës 2 deri në 3 ballë.