Vazhdon rezistenca: “Liria ka Emër” shfaq pamje nga nata e 15-të e protestave kundër vendimit të Speciales

Platforma “Liria ka Emër” ka ndarë me publikun pamje nga nata e 15-të e protestave të organizuara në shenjë pakënaqësie ndaj verdiktit të Gjykatës Speciale për ish-krerët e Ushtrisë Çlirimtare të Kosovës. Përmes këtyre pamjeve, kjo nismë ka përcjellë mesazhin e fuqishëm se Prishtina dhe mbarë Kosova mbeten të palëkundura në qëndrimet e tyre. Ndërkohë, mobilizimi vijon me një marsh proteste që është planifikuar të mbahet nesër, duke filluar nga ora 16:00, në përkrahje të ish-drejtuesve të UÇK-së.