Kryeziu-Hyseni: Projektligji për Specialen kërkon garanci ligjore, zgjedhjet ende të shmangshme

Deputetja e Lëvizjes Vetëvendosje, Arbëreshë Kryeziu-Hyseni, ka vlerësuar se zhvillimet politike në vend mund të marrin një kthesë pozitive brenda javës së ardhshme, duke shprehur optimizëm se ekziston mundësia për të shmangur mbajtjen e zgjedhjeve të parakohshme, nëse mbizotëron vullneti i mirë mes subjekteve politike. Sipas saj, prioritetet e momentit duhet të jenë përmbyllja e procesit për zgjedhjen e Presidentit dhe angazhimi i Komisionit për Legjislacion. Ajo theksoi se ky komision duhet të shqyrtojë draftin e propozuar nga Partia Demokratike e Kosovës lidhur me Gjykatën Speciale, përmes një bashkëpunimi gjithëpërfshirës të deputetëve. Lidhur me kërkesën për hartimin e një projektligji të ri për këtë çështje, Kryeziu-Hyseni u shpreh e rezervuar, duke argumentuar se një veprim i tillë nuk mund të ndërmerret pa marrë më parë siguri të plotë nga ekipet mbrojtëse. “Nuk mundemi të hartojmë një projektligj pa qenë të sigurt nga Mbrojtja, se një nismë e tillë nuk do të shkaktonte pasoja ose probleme në procedurat e mbrojtjes në shkallën e Apelit”, nënvizoi ajo.