Prishtina vazhdon rezistencën: Instalohet mbishkrimi 'Bac s’u kry' në natën e 15-të të protestave

Sheshi qendror i kryeqytetit është bërë sërish epiqendra e tubimit të qytetarëve, të cilët për të 15-ën natë radhazi kanë dalë për të kundërshtuar vendimin e Dhomave të Specializuara të Kosovës ndaj ish-krerëve të Ushtrisë Çlirimtare të Kosovës. Në shenjë të kësaj proteste të vazhdueshme, në shesh është vendosur instalacioni me mbishkrimin simbolik “Bac s’u kry”, i cili tashmë është shndërruar në një prej mesazheve kryesore që po përcjellin protestuesit përmes kësaj nisme. Sikurse gjatë netëve të kaluara, edhe për këtë mbrëmje është paralajmëruar pjesëmarrje masive e qytetarëve. Ata po mblidhen për të shprehur hapur mbështetjen e tyre ndaj ish-udhëheqësve të UÇK-së dhe për të manifestuar pakënaqësinë ndaj aktgjykimit të gjykatës speciale. Kjo protestë shënon vazhdimësinë e reagimit qytetar, i cili po mban gjallë vëmendjen mbi zhvillimet e fundit gjyqësore në Hagë.