Triumfi i Kosovës ndaj Irlandës dhe mesazhi për çlirimtarët alarmojnë Serbinë, kërkohet sanksionim nga UEFA

Kombëtarja e Kosovës ka shënuar një fitore të rëndësishme me rezultatin minimal 1:0 në stadiumin “Fadil Vokrri” në Prishtinë, duke mposhtur Irlandën në kuadër të ndeshjeve të Ligës së Kombeve. Ky sukses i kësaj mbrëmjeje u dedikua ish-krerëve të Ushtrisë Çlirimtare të Kosovës, të cilët ndodhen në gjykim në Hagë. Reagime të shumta ka shkaktuar veprimi i kapitenit kosovar, Vedat Muriqi, i cili gjatë festimit ngriti fanellën me mbishkrimet kuptimplota “Drejtësi për Çlirimtarët” dhe “Jo në emrin tim”, gjest ky që ka shqetësuar fuqishëm opinionin dhe mediat fqinje në Serbi. Gazeta serbe “Kurir”, e njohur për linjën e saj editoriale pro-qeveritare, i ka kushtuar hapësirë këtij episodi, duke shkuar deri atje sa t'i bëjë thirrje shtëpisë evropiale të futbollit, UEFA-s, që të ndërmarrë masa drastike dhe ta përjashtojë Kosovën nga garat ndërkombëtare.