Gjendja e Aro Muric në dyshim, trajneri Franco Foda tregon të vërtetën para duelit me Izraelin

Përzgjedhësi i Përfaqësueses së Kosovës, Franco Foda, ka dalë para mediave në konferencën zyrtare paraprake, në prag të sfidës së rëndësishme që “Dardanët” do të zhvillojnë nesër kundër Izraelit në kuadër të Ligës së Kombeve. Gjatë prononcimit të tij, tekniku gjerman u ndal te situata e portierit startues, Aro Muric, i cili u detyrua të lërë fushën e lojës për shkak të një dëmtimi të pësuar gjatë ndeshjes miqësore kundër Austrisë, e cila u zhvillua të dielën. “Aro Muric ka pësuar një lëndim ndaj Austrisë, sonte do ta shohim nëse ai mund të luajë nesër ndaj Izraelit apo jo”, u shpreh Foda para gazetarëve, duke lënë të hapur mundësinë e paraqitjes së tij deri në momentet e fundit. Kujtojmë se ky ballafaqim mes Kosovës dhe Izraelit do të luhet nesër në territorin e Hungarisë, me arbitrin që do t'i bie fyellit për të nisur takimin duke filluar nga ora 20:45.