Real Madridi konfirmon: Raúl Asencio përballet me pauzë të gjatë pas operacionit në këmbë

Mbrojtësi i Real Madridit, Raúl Asencio, do të bëjë të mërkurën një ndërhyrje kirurgjikale për të trajtuar një frakturë nga stresi në tibian e këmbës së djathtë, ka bërë të ditur klubi madrilen përmes një njoftimi zyrtar. Sipas komunikatës së lëshuar nga gjiganti spanjoll, kjo masë mjekësore merret për t'i dhënë fund një problemi fizik që e ka munduar lojtarin që nga edicioni i kaluar. "Lojtari ynë Raúl Asencio do t’i nënshtrohet nesër një ndërhyrjeje kirurgjikale për shkak të një frakture nga stresi në tibian e këmbës së djathtë", thuhet në njoftimin e klubit. Pas këtij operacioni, futbollisti pritet të mbetet jashtë fushave të gjelbra për një periudhë prej dy deri në tre muaj. Ky vendim është marrë pas konsultimeve të përbashkëta mes stafit mjekësor, atij teknik dhe vetë lojtarit, me synimin e vetëm për shërimin e plotë të dëmtimit. Gjatë afatit kalimtar të verës, emri i mbrojtësit spanjoll ishte lakuar shpesh për një largim të mundshëm nga radhët e Real Madridit. Një lëvizje e tillë do t'i kishte mundësuar klubit afrimin e një mbrojtësi të ri qendror, i kërkuar me ngulm nga trajneri José Mourinho. Pavarësisht kësaj, e ardhmja e Asencos në stadiumin "Santiago Bernabéu" nuk ishte plotësisht e qartë, ndërsa situata u vështirësua edhe më shumë pas lëmtimit të pësuar gjatë periudhës së përgatitjeve. Tashmë, me operacionin e paralajmëruar dhe kohëzgjatjen e mungesës prej dy deri në tre muaj, çdo mundësi e një largimi të mundshëm gjatë merkatos së janarit bëhet edhe më e vështirë për t'u realizuar.