Tronditje në futbollin bullgar: Ekzekutohet me armë zjarri presidenti i Botev Plovdiv, Iliyan Filipov

Një ngjarje e rëndë ka tronditur opinionin publik në Bullgari, ku biznesmeni i njohur dhe presidenti i klubit të futbollit Botev Plovdiv, Iliyan Filipov, ka rënë viktimë e një atentati me armë zjarri në qytetin e Plovdivit. Filipov, i cili drejtonte kompanionë e njohur të transportit dhe logjistikës PIMK dhe mbante pozicionin e aksionarit kryesor te skuadra e Botev Plovdiv, u qëllua për vdekje rreth orës 01:00 të ditës së mërkurë, brenda një prone private në qytet. Si pasojë e këtij krimi të rëndë, organet e rendit kanë ngritur nivelin e gatishmërisë dhe kanë vendosur masa të rrepta sigurie, duke bllokuar përkohësisht të gjitha pikat kryesore të hyrjes dhe daljes së Plovdivit. Prokurorja e Qarkut të Plovdivit, Vanya Hristeva, ka bërë të ditur për mediat se organet e drejtësisë janë duke analizuar çdo pistë të mundshme për të hedhur dritë mbi këtë ngjarje kriminale. “Po ndjekim në mënyrë aktive të gjitha pistat e mundshme”, u shpreh Hristeva gjatë një konference për shtyp. Aktualisht, procesi hetimor vijon intensivisht, ndërkohë që autoritetet kompetente ende nuk kanë dalë me një njoftim zyrtar lidhur me motivet e vrasjes apo identitetin e autorëve të dyshuar.