Lëkundje të fuqishme në Japoni: Tërmet 6.0 ballë godet prefekturën e Okinawas

Prefektura jugore e Japonisë, Okinawa, është lëkundur nga një tërmet i fortë me magnitudë 6.0 të shkallës Rihter. Lajmi është konfirmuar zyrtarisht nga Agjencia Meteorologjike e Japonisë, e cila ka monitoruar me kujdes lëvizjet sizmike. Sipas të dhënave të para, epiqendra e këtij tërmeti u lokalizua pranë ishullit të largët Yonaguni, ndërsa vatra e lëkundjes u regjistrua në një thellësi prej 10 kilometrash nën sipërfaqen e tokës. Fatmirësisht, deri më tani nuk ka raportime për viktima, të lënduar apo dëme të konsiderueshme materiale. Gjithashtu, autoritetet vendase kanë bërë të ditur se nuk është lëshuar asnjë paralajmërim për cunami, duke shmangur kështu panikun tek banorët e zonës bregdetare. Japonia konsiderohet si një nga vendet me rrezikshmërinë më të lartë sizmike në botë. Ky shtet shtrihet përgjatë të ashtuquajturës "Unazë e Zjarrit" në Paqësor, një zonë gjeografike ku takimi i disa pllakave tektonike sjell lëkundje të shpeshta dhe mjaft intensive të tokës.