Moti për të mërkurën: Diell dhe vranësira, temperaturat arrijnë deri në 24 gradë Celsius

Dita e mërkurë do të karakterizohet nga një alternim i intervaleve me diell dhe vranësirave kalimtare, të cilat do të jenë kryesisht të larta. Megjithatë, gjatë orëve të pasdites, parashikohet që vranësirat të largohen, duke sjellë kthjellime në pjesën më të madhe të territorit. Sa i përket parametrave të erës, ajo do të fryjë nga drejtimi i veriut dhe verilindjes, me një shpejtësi që do të luhatet nga 15 deri në 38 km/h. Temperaturat do të shënojnë vlera të këndshme për këtë periudhë. Vlerat minimale do të jenë ndërmjet 8 dhe 10 gradë Celsius, ndërsa temperaturat maksimale gjatë ditës pritet të arrijnë vlerat nga 21 deri në 24 gradë Celsius.