Sport
Barazimi me Spanjën frymëzon Kombëtaren, Daka: Të ruajmë këtë ritëm për Kampionatin Europian
Reklamë e Sponsorizuar
Përfaqësuesja e Shqipërisë ka zhvilluar një paraqitje fantastike në ndeshjen miqësore ndaj Spanjës, e cila u luajt në stadiumin “Air Albania”. Kuqezinjtë e moshave arritën të ndalin “Furinë e Kuqe” në një barazim pa gola, duke treguar grintë dhe lojë cilësore në fushën e blertë. Pas përfundimit të këtij dueli sfidues, talenti Dario Daka ka ndarë përshtypjet e tij për mediat.
“Ka qenë një ndeshje shumë e vështirë. Kemi luftuar me dëshirë, me zemër dhe karakter. Duhet të punojmë edhe më fortë për të qenë më të përgatitur për Europianin,” u shpreh fillimisht Daka, duke theksuar rëndësinë e vazhdimësisë në stërvitje.
Më tej, ai ndau krenarinë e tij për paraqitjen e ekipit, por nuk la pa përmendur angazhimin personal për t'u përmirësuar edhe më shumë në të ardhmen, ndërsa nuk harroi të shprehë mirënjohjen për mbështetjen e zjarrtë të publikut.
“Unë jam shumë krenar, por mendoj që jo 100%, por duhet të punoj më shumë për të luajtur sa më mirë në çdo ndeshje. I falenderoj të gjithë tifozët. Natyrisht që ishalla në Europian të kemi këtë paraqitje, sa më shumë tifozë ishalla edhe të luajmë sa më mirë”, përfundoi deklaratën e tij Dario Daka.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: