Lajmetereja | --:-- | Kosovë & Rajoni
Kronikë

Ferizaj: Prangoset efektivi i policisë, dyshime për lojëra fatin e paligjshme dhe armë pa leje

Redaksia Lajmetereja • 18-11-2026 08:22
Shpërndaj:
Reklamë e Sponsorizuar
Ferizaj: Prangoset efektivi i policisë, dyshime për lojëra fatin e paligjshme dhe armë pa leje
Inspektorati Policor i Kosovës ka ndaluar një zyrtar policor të Stacionit të Ferizajt, i cili dyshohet se është përfshirë në veprimtari të kundërligjshme, duke organizuar bixhoz online dhe skema piramidale, si dhe për mbajtjen e armëve pa leje. Me urdhër të prokurorit kompetent, të dyshuarit i është caktuar masa e ndalimit prej 48 orësh. Nëpërmjet një njoftimi zyrtar, IPK bëri të ditur se ky aksion u ndërmarrë si rezultat i hetimeve intensive të zhvilluara në bashkëpunim të ngushtë me Prokurorinë e Shtetit. “Si pjesë e veprimeve hetimore nga hetuesit e IPK-së dje janë bastisur shtatë (7) lokacione, ku janë sekuestruar dy armë të shkurtra, një armë e gjatë e gjuetisë, dy armë të ftohta (thika), si dhe municion i llojeve të ndryshme” thuhet në komunikatën e IPK-së. Referuar hetimeve preliminare, efektivi i policisë, gjatë kohës jashtë orarit zyrtar përgjatë vitit 2026, dyshohet se ka operuar në rrjet për organizimin e lojërave të fatit. Po ashtu, ekzistojnë dyshime se ai ka poseduar një armë të gjatë të tipit Kallashnikov, të cilën më vonë ia ka shitur një pale të tretë. Gjatë këtij operacioni hetimor, institucioni mbikëqyrës ka marrë në pyetje edhe gjashtë qytetarë të tjerë nën cilësinë e të dyshuarve për veprën penale të “Shitblerjes së armëve”, ndërsa procedura ndaj tyre do të vijojë në liri. Krahas masave të ndalimit, IPK i ka sugjeruar Drejtorisë së Policisë së Kosovës marrjen e masës së suspendimit për zyrtarin në fjalë, me qëllim garantimin e një hetimi të paanshëm dhe konform kompetencave ligjore.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar