Politikë
Debat i ashpër në Kuvend: Përplasje verbale mes deputetëve Rrahmani e Baloku në Komisionin Hetimor për rastin e Arlinda Zekajt
Reklamë e Sponsorizuar
Në ambientet e Kuvendit të Republikës së Kosovës është zhvilluar mbledhja e Komisionit Hetimor, e cila ka për qëllim trajtimin e rastit të tragjik të Arlinda Zekajt.
Derisa në këtë komision ishte parashikuar të raportonin zyrtarë të Qendrës për Punë Sociale nga Peja, si dhe kryetari i kësaj komune, Gazmend Muhaxheri, situata ka tensionuar mes vetë anëtarëve të trupës parlamentare.
Përplasja është regjistruar mes deputetit të Partisë Demokratike të Kosovës, Eman Rrahmani, dhe atij të Lëvizjes Vetëvendosje, Armend Baloku.
Tensioni nisi kur Rrahmani drejtoi akuza ndaj Balokut, duke pohuar se subjekti i tij politik e ka shfrytëzuar dhe politizuar çështjen e Arlinda Zekajt. Nga ana e tij, Baloku iu kundërpërgjigj duke i sugjeruar kolegut të tij se nuk ka njohuri të mjaftueshme rreth mënyrës se si funksionon puna e mazhorancës.
Diskutimi mes dy ligjvënësve ka degjeneruar shpejt në replika të forta dhe akuza reciproke, duke devijuar kështu vëmendjen nga fokusi kryesor dhe qëllimi i thirrjes së kësaj mbledhjeje.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: