Tensioni në Rahovec: Hedhja e mjeteve piroteknike nga “Arpagjikt” detyron ndërprerjen e finales së Superkupës

Përballja finale për Superkupën e Kosovës në basketboll mes Trepçës dhe Bashkimit është shoqëruar me incidente, duke sjellë ndërprerjen e menjëhershme të takimit. Dueli, i cili po zhvillohet në palestrën sportive “Mizahir Isma” në qytetin e Rahovecit, u pezullua pasi mbështetësit e skuadrës nga Prizreni, të njohur si “Arpagjikt”, hodhën mjete piroteknike në parket. Kjo situatë e tensionuar u nxit nga vendimi i gjyqtarit Xhelal Mumini për të ndëshkuar me gabim teknik basketbollistin Arian Azemi, veprim ky që ka shkaktuar revoltë dhe pakënaqësi të madhe te tifozët prizrenas.