Lajmetereja | --:-- | Kosovë & Rajoni
Aktuale

Kush do të jetë partnerja e Robert Pattinson në serinë e re të James Bondit? Spekulimet nisin për rolin e 'vajzës së Bondit'

Redaksia Lajmetereja • 17-11-2026 20:24
Shpërndaj:
Reklamë e Sponsorizuar
Kush do të jetë partnerja e Robert Pattinson në serinë e re të James Bondit? Spekulimet nisin për rolin e 'vajzës së Bondit'
Pasi Robert Pattinson u konfirmua zyrtarisht si pasardhësi i ri në rolin e agjentit 007, vëmendja e publikut dhe e mediave rozë është zhvendosur tashmë te një tjetër dilemë e madhe: kush do të jetë aktorja që do t'i bashkohet atij në këtë eksperiencë kinematografike? Robert Pattinson, 40-vjeçari i njohur për performancën e tij në “The Batman”, u shpall fitues i këtij roli prestigjioz më 16 nëntor. Ai arriti të triumfojë në një konkurrencë të fortë, ku ishin përfshirë emra si Callum Turner, Nicholas Hoult, Jack Lowden dhe Josh O’Connor, duke marrë kështu stafetën nga Daniel Craig, i cili e mbajti këtë personazh ikonik për 15 vite, deri në finalen e vitit 2021, “No Time to Die”. Ndërsa fansat e sagës janë në pritje të njoftimit zyrtar, pyetja që po qarkullon më së shumti në Hollywood ka të bëjë me identitetin e aktores që do të mishërojë rolin e partneres së Bondit, një figurë kjo që historikisht shfaqet si një aleate kyçe ose interes dashurie për agjentin sekret. Në listën e emrave që po përfliten si kandidate të mundshme për këtë rol të lakmuar ndodhen yje të njohura të ekranit si Zendaya, Florence Pugh, Lupita Nyong’o, Inde Navarrette dhe Sydney Sweeney. Aktualisht, asnjë konfirmim nuk ka dalë nga produksioni, ndërsa mbetet të shihet se kë do të përzgjedhin producentët për të qëndruar përkrah Pattinsonit në projektin e ardhshëm që do të drejtohet nga regjisori i mirënjohur, Denis Villeneuve.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar