Kuvendi i Prishtinës miraton njëzëri deklaratën për mbrojtjen e vlerave të UÇK-së

Kuvendi Komunal i Prishtinës ka miratuar zyrtarisht deklaratën e përbashkët të titulluar “Jo në emrin tim”, “Drejtësi për UÇK-në dhe mbrojtje e historisë tonë”, duke i dhënë mbështetje të plotë luftës çlirimtare. Gjatë seancës, nënkryetarja e komunës së Prishtinës, Besiana Musmurati, ka theksuar se në këtë periudhë është më e rëndësishme se kurrë që qytetarët të tregojnë unitet dhe të qëndrojnë të bashkuar në mbrojtje të Ushtrisë Çlirimtare të Kosovës. Në tekstin e kësaj deklarate të përbashkët shprehet shqetësimi i thellë lidhur me vendimin e shkallës së parë të Dhomave të Specializuara të Kosovës, të shpallur më 16 shtator 2026 ndaj ish-udhëheqësve të UÇK-së, Hashim Thaçit, Kadri Veselit, Jakup Krasniqit dhe Rexhep Selimit. Aty theksohet qartë se UÇK-ja përbën pjesën më të ndritur dhe të pandashme të historisë së vendit. Dokumenti në fjalë ka marrë mbështetjen e plotë të të pranishmëve, duke u votuar me 45 vota pro, ndërkohë që nuk pati asnjë votë kundër dhe asnjë abstenim.