Lajmetereja | --:-- | Kosovë & Rajoni
Sport

Dramë dhe fitore për Maqedoninë U-19: Shqiptarët protagonistë në triumfin ndaj Maltës

Redaksia Lajmetereja • 17-11-2026 17:44
Shpërndaj:
Reklamë e Sponsorizuar
Dramë dhe fitore për Maqedoninë U-19: Shqiptarët protagonistë në triumfin ndaj Maltës
Përfaqësuesja e Maqedonisë së Veriut për grupmoshën U-19 e ka mbyllur me sukses fushatën kualifikuese për Kampionatin Evropian, duke triumfuar në një ndeshje mjaft emocionuese ndaj Maltës me rezultatin përfundimtar 3:2. Në këtë duel, kontributi i futbollistëve shqiptarë ishte i rëndësishëm. Anes Abdurahmani dhe Alban Roçi e nisën takimin si titullarë, me këtë të fundit që u largua nga fusha në minutën e 87-të. Nga stoli u aktivizuan Lorent Zhaku në minutën e 62-të, Antian Emini në të 71-ën, ndërsa Lavdrim Kasami dhe Muhamed Mustafi u inkuadruan në lojë në minutat e fundit (87'). Pjesa e parë u karakterizua nga dominimi i Maqedonisë, e cila kaloi në epërsi në minutën e 32-të falë golit të Filip Cvetkovskit. Megjithatë, Malta tregoi forcë duke barazuar shifrat në 1:1 në minutën e 76-të përmes Zias Njuellit. Gjashtë minuta më vonë, Jakov Stojkovski riktheu epërsinë për Maqedoninë, por drama u shtua kur Denzel Atard realizoi sërish për barazimin 2:2 në minutën e 89-të. Kur gjithçka po shkonte drejt ndarjes së pikëve, në skenë doli Gabriel Taleski, i cili në minutat shtesë shënoi golin e fitores, duke vulosur triumfin 3:2 të Maqedonisë së Veriut. Formacioni i Maqedonisë së Veriut U-19: Pavel Grbevski, Alban Roçi (87' Mateo Kesiki), Kristijan Markovski, Filip Cvetkovski, Anes Abdurahmani, Aleksandar Grashevski (87' Lavdrim Kasami), Gabriel Taleski, Ivan Tançev (71' Antian Emini), Jovan Mrmaçovski (87' Muhamed Mustafi), Jordan Damevski (62' Lorent Zhaku), Jakov Stojkovski.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar