Sport
Tragjedi në Gjermani: Humb jetën në aksident komunikacioni futbollisti 24-vjeçar nga Kosova
Reklamë e Sponsorizuar
Një ngjarje e rëndë ka tronditur komunitetin sportiv, pasi futbollisti Enis Maqedonci ka ndërruar jetë në moshën 24-vjeçare. I riu nga Kosova ka humbur jetën tragjikisht si pasojë e një aksidenti të rëndë trafiku që ka ndodhur në Gjermani.
Lajmin për këtë humbje të madhe e ka konfirmuar Federata e Futbollit e Kosovës (FFK). Përmes një njoftimi zyrtar, kjo instancë e futbollit ka shprehur dhimbjen e thellë për ndarjen e parakohshme nga jeta të futbollistit, duke u solidarizuar me familjen e të ndjerit në këto momente të vështira.
FFK-ja u ka shprehur ngushëllime të sinqerta familjarëve, miqve, si dhe klubit gjerman TuS Hügelsheim, ku Maqedonci ishte pjesë aktive e skuadrës.
“Pusho në paqe, Enis!”, shkruhet në mesazhin lamtumirës të Federatës së Futbollit të Kosovës, duke përcjellë kështu mesazhin e fundit për talentin që u shua në moshën më të mirë.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: