Aktuale
Incident gjatë vizitës në Peru: Papa Leoni XIV goditet nga një objekt në fytyrë
Reklamë e Sponsorizuar
Një ngjarje e papritur ka ndodhur gjatë qëndrimit të Papa Leonit XIV në Peru, teksa kreu i Kishës Katolike po udhëtonte përmes turmës me makinën papale. Gjatë rrugëtimit për në bazën ajrore Las Palmas, ku ishte parashikuar kremtimi i meshës së fundit të vizitës apostolike, Papa është goditur në sy nga një objekt, që dyshohet të ketë qenë një rruzare.
Në pamjet filmike që kanë bërë xhiron e botës, Papa 71-vjeçar shihet duke fërkuar syrin menjëherë pas kontaktit me objektin. Megjithatë, incidenti nuk ka shkaktuar pasoja të rënda shëndetësore, pasi Ati i Shenjtë ka vijuar agjendën e tij të planifikuar, duke marrë pjesë normalisht në ceremoninë fetare.
Në fjalimin e mbajtur përpara mijëra besimtarëve, Leoni XIV ka reflektuar mbi përmbylljen e vizitës së tij, duke theksuar se misioni shpirtëror është një proces i vazhdueshëm. Ai nuk ka ngurruar të falënderojë popullin peruan për mikpritjen e ngrohtë dhe dashurinë e treguar gjatë këtyre ditëve.
“Udhëtimi im po vjen drejt fundit, por misioni vazhdon”, u shpreh Papa, duke shtuar se Peruja do të zërë gjithmonë një vend të veçantë në zemrën e tij. Ai u përcoll me emocione nga besimtarët, duke deklaruar: “Në përfundim të këtij udhëtimi apostolik, dëshiroj t’ju forcoj në besim dhe dashuri. Po, populli peruan është gjithashtu populli im!”
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: