Lajmetereja | --:-- | Kosovë & Rajoni
Sport

Boksieri i njohur britanik kërkon përballje me Kristian Prengën

Redaksia Lajmetereja • 17-11-2026 13:22
Shpërndaj:
Reklamë e Sponsorizuar
Boksieri i njohur britanik kërkon përballje me Kristian Prengën
Përfaqësuesi i peshave të rënda, Johnny Fisher, ka shprehur synimin e tij për t'u rikthyer në ring në fillim të vitit 2027, duke shënjestruar një duel me boksierin shqiptar Kristian Prenga. Ky i fundit fitoi vëmendjen ndërkombëtare pas paraqitjes surprizë në muajin korrik të këtij viti kundër Anthony Joshua. Në atë përballje, e cila fillimisht mendohej si një ndeshje testuese për ish-kampionin botëror, Prenga e vuri në vështirësi të madhe britanikun duke e rrëzuar dy herë gjatë raundit të parë. Edhe pse shqiptari ishte shumë pranë një triumfi sensacional që mund të ndryshonte planet për duelin e madh mes Tyson Fury dhe Anthony Joshua, Joshua u kundërpërgjigj në raundin e dytë duke arritur ta nokautonte. Pavarësisht humbjes, rekordi prej 20 fitoresh dhe 2 humbjesh i dha Prengës një profil të lartë në skenën ndërkombëtare të boksit. Falë këtij impakti, Johnny Fisher, i cili numëron 15 fitore dhe 1 humbje në karrierën e tij, e sheh boksierin kuqezi si kundërshtarin ideal për sfidën e tij të radhës. “Prenga do të ishte një zgjedhje e mirë. Është një hap i duhur drejt objektivave të mia. Bëhet fjalë për dikë që është përballur me një nga boksierët më të mirë të peshave të rënda që kemi pasur në Britaninë e Madhe vitet e fundit“, u shpreh Fisher. Duke analizuar stilin e luftëtarit shqiptar, ai shtoi: “Të jesh në ring me një boksier të tillë, që zotëron forcë goditëse për nokaut dhe aftësinë për të rrëzuar kundërshtarë të nivelit të lartë është një sfidë interesante. Le të shohim se çfarë mund të bëj unë“. Më tej, Fisher theksoi ngushtësinë e diferencave në këtë kategori: “Ai pothuajse ia doli ta mposhtte AJ. Në boksin profesionist të peshave të rënda, diferencat janë shumë të vogla dhe rreziku është gjithmonë i pranishëm. Është vërtet diçka emocionuese.” Në fund, boksieri britanik zbuloi edhe planet kohore për këtë event të mundshëm: “Po mendojmë për një duel muajin shkurt nëse arrijmë një marrëveshje. Koha do të kalojë shumë shpejt. Dua ta nis kampin stërvitor më 1 janar. Dua të krijoj një bazë të fortë“.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar