Sport
Skenari i bujshëm te Juventusi: Bardhezinjtë planifikojnë shkëmbimin e Edon Zhegrovës në merkato
Reklamë e Sponsorizuar
Klubi i Juventusit ka nisur tashmë përgatitjet për afatin kalimtar të janarit, me drejtuesit që synojnë të përforcojnë repartin e sulmit në përputhje me kërkesat e trajnerit Luciano Spalletti.
Një ndër opsionet kryesore në tavolinën e drejtuesve bardhezi mbetet sulmuesi norvegjez i Atletico Madrid, Alexander Sorloth, i cili po kalon një periudhë me hapësira të reduktuara në kampionatin spanjoll.
Sulmuesi 31-vjeçar ka regjistruar vetëm 155 minuta lojë në 6 paraqitje gjatë këtij sezoni nën urdhërat e trajnerit Diego Simeone, paritur të lërë shenjë me gola apo pasime vendimtare. Ndërkohë, në radhët e skuadrës madrilene po shkëlqen Jonathan David, i cili mbërriti verën e kaluar për shifrën e 25 milionë eurove dhe tashmë numëron 3 gola e 2 asiste në 11 ndeshje.
Përveç kësaj piste, mediat italiane bëjnë me dije se Juventus po shqyrton seriozisht edhe mundësinë e një operacioni shkëmbimi me klubin e Monacos. Ky plan konsiston në transferimin e Folarin Balogun në Torino, ndërsa në drejtim të kundërt, drejt Francës, do të zhvendosej anësori Edon Zhegrova.
Futbollisti i Kombëtares së Kosovës, i cili aktualisht po rikuperohet nga një dëmtim, u transferua nga Lille në vitin 2025 për 15.5 milionë euro, por nuk ka arritur të sigurojë vazhdimësi në minuta. Zhegrova numëron vetëm 2 gola dhe 2 asiste në 36 takime me fanellën bardhezi, ndërsa kontrata e tij është e vlefshme deri në vitin 2030, me një pagë prej 2.5 milionë eurosh neto në sezon.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: