Kronikë
Lirohet sot nga Haga Fadil Fazliu, familja e cilëson vendimin të padrejtë dhe kërkon pafajësi të plotë
Reklamë e Sponsorizuar
Në një lidhje direkte, djali i Fadil Fazliut ka folur lidhur me zhvillimet e fundit, ndërkohë që babai i tij pritet të lirohet gjatë ditës së sotme, pasi dënimi prej 12 muajsh i shqiptuar nga Gjykata Speciale në Hagë është përmbyllur gjatë kohës së paraburgimit.
Fazliu e ka vlerësuar këtë vendim si të padrejtë, duke theksuar se familja kishte prurje shpresash për një vendim pafajësie për të gjithë të akuzuarit.
“Ky është një vendim jo i drejtë. Ne kishim shpresa se do të kishte pafajësi për të gjithë dhe jo dënime. Kjo është një gjykatë që mendoj se është e padrejtë dhe e them me përgjegjësi të plotë, sepse të gjithë këta individë janë të pafajshëm”, u shpreh ai gjatë prononcimit.
Ai bëri të ditur se tashmë po qëndrojnë afër objektit të gjykatës në Hagë për të pritur lirimin e tij, ndërsa kthimi i tyre i përbashkët në Kosovë është parashikuar të bëhet nesër.
“Si sot, ashtu edhe dje dhe në çdo kohë, e ritheksoj se të gjithë ata janë të pafajshëm dhe mbetemi me shpresë për lirimin e të gjithëve”, përfundoi Fazliu.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: