Sport
Synimi i qartë i Irlandës para duelit me Kosovën: Trajneri kërkon vetëm tri pikë dhe mentalitet fitues
Reklamë e Sponsorizuar
Përzgjedhësi i kombëtares së Irlandës, Heimir Hallgrímsson, u ka bërë thirrje lojtarëve të tij që të shfaqin të njëjtin karakter dhe qasje psikologjike që patën në sfidën ndaj Austrisë, para takimit të sotëm kundër Kosovës, i cili do të luhet në Dublin duke filluar nga ora 20:45.
Gjatë paraqitjes para mediave në vigjilje të kësaj ndeshjeje, tekniku islandez në krye të irlandezëve theksoi rëndësinë e një mentaliteti triumfues, duke nënvizuar se vetëm një sukses në këtë përballje i mban gjallë aspiratat e tyre.
“Çështja tani është më shumë për arsye mentaliteti - se na duhet të kemi të njëjtin mentalitet, të njëjtët karaktere në fushë kundër Kosovës.Do të jetë një ndeshje po aq e vështirë sa ishte në Austri, kështu që duhet të transferojmë të njëjtin mentalitet dhe të njëjtin qëndrim me të cilin shkuam në Austri. Dhe nëse e bëjmë këtë, mendoj se do të kemi një nënprodukt të mirë, që është një fitore. Është e qartë se duhet ta fitojmë ndeshjen. Një barazim nuk do të na bëjë asgjë. Duhet ta fitojmë ndeshjen dhe ky është mentaliteti ynë”, ka deklaruar Hallgrímsson.
Strategu i irlandezëve ka lënë të kuptohet se opsioni i barazimit është i papranueshëm për skuadrën e tij, duke e cilësuar triumfin si misionin e vetëm përballë përfaqësueses dardanë.
Kujtojmë se sfida mes Irlandës dhe Kosovës është planifikuar të zhvillohet mbrëmjen e sotme në kryeqytetin irlandez, Dublin, me fërshëllimën e parë të gjyqtarit që i bie në orën 20:45.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: