Sport
Përplasje kokë më kokë mes dy kamionetave në Istog, katër të lënduar
Reklamë e Sponsorizuar
Një ngjarje e rëndë rrugore është shënuar gjatë orëve të mëngjesit në fshatin Drogolevc të Istogut, ku pas një përplasjeje mes dy mjeteve transportuese (kamioneta), katër persona kanë pësuar lëndime trupore.
Informacioni është konfirmuar zyrtarisht nga Driton Rugova, zëdhënës i Policisë së Kosovës për rajonin e Pejës, i cili saktësoi se incidenti ka ndodhur rreth orës 08:50.
“Sot rreth orës 08:50, jemi njoftuar për një aksident trafiku i cili ka ndodhur në fshatin Drogolevc-Istog. Në këtë aksident ishin të përfshira dy kamioneta dhe si pasojë e aksidentit katër persona kanë pësuar lëndime trupore”, ka thënë Rugova.
Të lënduarit janë transportuar pa humbur kohë me autoambulancë drejt Spitalit të Përgjithshëm të Pejës, ku u është ofruar ndihma e nevojshme mjekësore.
Ndërkaq, ekipet kompetente policore kanë mbërritur menjëherë në vendin e ngjarjes, ndërsa Njësiti i Komunikacionit Rrugor ka nisur hetimet për të zbardhur rrethanat dhe shkaqet e plota që sollën këtë aksident.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: