Botë
Akuza të forta nga opinionisti Dosti: Komisionerja evropiane Marta Kos në vorbullën e dy skandaleve të mëdha
Reklamë e Sponsorizuar
Opinionisti Adriatik Dosti ka ngritur akuza të rënda ndaj komisioneres evropiane për Zgjerim, Marta Kos, duke e vendosur atë në qendër të vëmendjes për shkak të dy ngjarjeve të bujshme që kanë përfshirë së fundmi skenën politike evropiane dhe rajonale.
Sipas shkrimit të publikuar nga Dosti, e lindur në Slovenj Gradec të Sllovenisë në vitin 1965 dhe sot 61-vjeçare, Kos po përballet me pretendime serioze në vendlindjen e saj. Gazetari i njohur slloven Igor Omerza e ka akuzuar publikisht atë si bashkëpunëtore aktive të shërbimeve sekrete serbe (UDB dhe BIH), duke publikuar dokumente ku ajo navigon në regjistrat e Arkivit sekret serb me numrin 1400 dhe matrikull personal 05448. Për më tepër, eurodeputetja sllovene Romana Tomc i ka kërkuar zyrtarisht shpjegime udhëheqjes së Bashkimit Evropian lidhur me këto pretendime, ndërsa vetë Kos nuk ka ofruar ende një kundërpërgjigje me fakte.
Një tjetër zhvillim shqetësues, sipas Dostit, lidhet me një aktivitet të organizuar më 15 nëntor në Bruksel, ku Kosova nuk mori pjesë. Gjatë këtij eventi, orkestra sllovene “Western Balkan Youth Orchestra”, e ftuar nga vetë komisionerja, interpretoi këngën nacionaliste serbe “Oj Kosovo – Kosovo”. Kjo ngjarje ka shkaktuar reagime të ashpra nga institucionet e Kosovës, ndërkohë që nga ana e strukturave zyrtare në Shqipëri nuk ka pasur asnjë reagim institucional apo deklaratë publike.
Ndonëse këto akuza dhe pretendime nuk përbëjnë ende fakte të konfirmuara në rrugë gjyqësore, skandali ka prodhuar një valë pakënaqësish në korridoret e politikës evropiane. Shumë eurodeputetë po kërkojnë me këmbëngulje transparencë dhe verifikim të plotë të figurës së lartë të Bashkimit Evropian për Zgjerim.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: