Kronikë
Të shtëna me armë në një aheng në Skënderaj: Reagon ashpër zyrtari i Lëvizjes Vetëvendosje, Hysni Mehani
Reklamë e Sponsorizuar
Përfaqësuesi i Lëvizjes Vetëvendosje në Skënderaj, Hysni Mehani, ka bërë një reagim publik në rrjetet sociale lidhur me një incident me armë zjarri, në të cilin dyshohet se është përfshirë shefi i kabinetit të Sami Lushtakut.
Në reagimin e tij, Mehani u ka bërë thirrje organeve të rendit dhe drejtësisë, përfshirë Policinë dhe sistemin prokurorial, që të zbardhin plotësisht rastin, duke shprehur shqetësimin e thellë për përdorimin e armëve nën efektin e alkoolit.
Ai gjithashtu ka vënë në dukje praninë e nënkryetarit dhe disa drejtorëve komunalë në atë ngjarje, teksa ka shtruar pyetjen publike se çfarë mase paraburgimi do të merret ndaj personave të dyshuar.
Më poshtë gjendet postimi i plotë i Hysni Mehanit:
"Në ato nejat me raki e mish, bëhet njeri trim edhe pa kanë hiç!
Pyetja për Policinë e Kosovës dhe sistemin prokurorial; a ma dëm bën lopa që hanë bari në oborr të gjykatës; a shefi i kabinetit të Sami Lushtakut që nën ndikimin e pijeve alkoholike e merr armën e del gjuan kështu pa ja centiratë?
Aty paska qenë edhe nënkryetari e disa drejtorë!
Është me rëndësi me pa sa po i mbajnë në paraburgim këta!"
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: