Ran Ben Shimon: Barazimi në Prishtinë ishte epilogu më i drejtë përballë Kosovës

Përzgjedhësi i përfaqësueses së Izraelit, Ran Ben Shimon, ka shprehur qëndrimin e tij pozitiv lidhur me barazimin pa gola të regjistruar në stadiumin “Fadil Vokrri” kundër Kosovës. Në prononcimin e tij pas ndeshjes, tekniku izraelit e cilësoi rezultatin 0-0 si një pasqyrim real të asaj që u shfaq në fushën e blertë, duke pranuar njëkohësisht se përballja me ekipin kosovar ka qenë mjaft sfiduese për skuadrën e tij. “Ky barazim është një rezultat objektiv. Përballemi me një kundërshtar të vështirë si Kosova dhe jam i kënaqur me pikën e fituar”, deklaroi Ben Shimon pas përfundimit të takimit. Pas këtij barazimi, Izraeli kuotohet me tri pikë pas pesë ndeshjeve të zhvilluara në Ligën e Kombeve, ndërsa Kosova e çon bilancin e saj në gjashtë pikë. Në sfidat e ardhshme të këtij kompeticioni, Izraeli do të kërkojë pikë ndaj Austrisë, ndërsa përfaqësuesja e Kosovës do të zhvillojë një ndeshje mjaft të rëndësishme në udhëtim kundër Irlandës.