Buxheti për vitin 2027: Qeveria shpërfill kërkesat financiare të sistemit gjyqësor dhe prokurorial

Qeveria e Kosovës ka lënë jashtë projeksioneve buxhetore për vitin 2027 kërkesat e parashtruara nga Këshilli Gjyqësor i Kosovës (KGJK) dhe Këshilli Prokurorial i Kosovës (KPK), duke krijuar një hendek të konsiderueshëm mes nevojave të sistemit të drejtësisë dhe fondeve të ndara. Nga ana tjetër, përfaqësues të Këshillit Prokurorial kanë konfirmuar se në draft-buxhetin aktual janë parashikuar vetëm 21 milionë euro për këtë institucion. Kjo shumë përfaqëson vetëm gjysmën e buxhetit të kërkuar nga KPK-ja, mjete këto që ishin planifikuar kryesisht për shtimin e numrit të prokurorëve dhe forcimin e kapaciteteve operacionale të sistemit prokurorial.