Ran Ben Shimon pas barazimit në Prishtinë: Rezultat i drejtë përballë një Kosove të vështirë

Kombëtarja e Izraelit nuk ka arritur të thyejë akullin në Grupin 3 të Ligës B të Kombeve, duke regjistruar një tjetër ndeshje pa fitore. Në sfidën e zhvilluar sot në stadiumin “Fadil Vokrri” në kryeqytetin kosovar, përballja mes Kosovës dhe Izraelit është mbyllur pa gola, me shifrat 0:0, duke u ndarë kështu me nga një pikë për secilën palë. Në prononcimin e tij pas ndeshjes, përzgjedhësi i izraelitëve, Ran Ben Shimon, u shpreh i kënaqur me epilogun e këtij takimi. Sipas tij, barazimi është pasqyra më besnike e dinamikës dhe lojës që u zhvillua në fushën e blertë. “Ishte një përballje tejet sfiduese ndaj Kosovës. Konsideroj se barazimi është rezultati më real për atë çfarë treguam sot dhe ndihem i kënaqur me këtë pikë të fituar”, ka deklaruar Ben Shimon. Me këtë barazim, Izraeli vazhdon të mbajë pozitën e fundit në tabelë me tri pikë gjithsej, ndërsa Kosova mbetet në vendin e dytë, duke krijuar një diferencë prej tri pikësh ndaj kundërshtarit të sotëm.