Pas largimit të Ronaldos: Portugalia befason me zgjedhjen e lojtarit që do të mbajë numrin 7

Kombëtarja e Portugalisë do të përballet sonte me Danimarkën në kuadër të xhiros së pestë të Ligës së Kombeve, një ndeshje që ka ngjallur interesim të veçantë jo vetëm për aspektin sportiv, por edhe për shkak të ndryshimeve në formacion. Në mungesë të Cristiano Ronaldos, i cili i dha fund rrugëtimit të tij mbresëlënës 23-vjeçar me fanellën e kombëtares në fillim të muajit nëntor, si dhe për shkak të mungesës së Rafael Leaos për shkak të një dëmtimi, vëmendja është përqendruar te lojtari që do të bartë numrin ikonik 7. Për këtë përballje, stafi teknik ka vendosur t'ia besojë këtë fanellë anësorit të Club Brugge, Carlos Forbs. Megjithatë, kjo zgjedhje është e përkohshme dhe nuk nënkupton një ndryshim të përhershëm në hierarkinë e numrave të ekipit. Sipas raportimeve të shtypit portugez, Rafael Leao mbetet pretendenti kryesor për ta trashëguar zyrtarisht numrin 7, duke u konsideruar si pasardhësi i duhur për të mbajtur mbi supe peshën e këtij numri legjendar.