Muarem Muarem merr sërish drejtimin e stoli të Bashkimit nga Kumanova

Ish-futbollisti i njohur i Kombëtares së Maqedonisë, Muarem Muarem, ka mbyllur periudhën e tij në Shkup për të nisur një kapitull të ri, duke marrë sërish frenat e skuadrës së Bashkimit 1947 nga Kumanova në cilësinë e trajnerit kryesor. Marrëveshja mes teknikut dhe strukturave drejtuese të klubit është arritur pas bisedimeve zyrtare, ku palët kanë gatishmërinë e plotë për bashkëpunim drejt objektivave të përbashkëta. Në këtë detyrë, Muarem pason Shaban Sulejmanin, i cili e pati nisur edicionin futbollistik duke udhëhequr skuadrën nga stoli. Ky ndryshim në staf vjen në një moment delikat për klubin nga Kumanova, i cili synon kthesën e madhe dhe largimin nga zonat e rrezikshme të renditjes në elitën e futbollit të Maqedonisë së Veriut. Pas përfundimit të javës së tetë të kampionatit, Bashkimi pozicionohet në vendin e nëntë të tabelës, duke numëruar vetëm 4 pikë në llogarinë e vet.