Masat maksimale të sigurisë në kryeqytet: Forcat speciale pozicionohen pranë stadiumit "Fadil Vokrri" para ndeshjes

Vetëm 60 minuta para fillimit të sfidës mes Kosovës dhe Izraelit, qyteti i Prishtinës është vënë nën masa të rrepta sigurie për shkak të ngritjes së nivelit të gatishmërisë. Njësitë Speciale të Policisë së Kosovës kanë ndërmarrë një aksion duke u pozicionuar afër stadiumit "Fadil Vokrri", ku pritet të zhvillohet kjo përballje e rëndësishme ndërkombëtare mes dy përfaqësueseve. Siç bëhet e ditur, prania e shtuar e forcave të rendit tashmë është mjaft e dukshme në të gjithë perimetrin përreth stadiumit, për të garantuar rendin dhe sigurinë publike. Autoritetet policore po qëndrojnë në gatishmëri të plotë operacionale me qëllim që i gjithë aktiviteti sportiv të zhvillohet në qetësi dhe pa asnjë incident të mundshëm.