Tragjedi në Klinë: Pacientja ndërron jetë pas reaksionit alergjik nga infuzioni, reagon zyrtarisht QKMF

Një ngjarje e rëndë ka tronditur opinionin publik, pasi një grua ka humbur jetën pas një ndërhyrjeje mjekësore. Rasti është konfirmuar zyrtarisht edhe nga Policia e Kosovës, e cila bëri të ditur se të premten gjendja shëndetësore e pacientes është përkeqësuar gjatë trajtimit në Qendrën Kryesore të Mjekësisë Familjare në Klinë. Ajo u nis menjëherë drejt Spitalit Rajonal të Pejës me autoambulancë, por fatkeqësisht, me të mbërritur atje, stafi mjekësor konfirmoi se ajo kishte ndërruar jetë. Në lidhje me këtë tragjedi, Qendra Kryesore e Mjekësisë Familjare “Nënë Tereza” në Klinë ka lëshuar një komunikatë zyrtare drejtuar krerëve institucionalë, përfshirë kryetarin e Komunës së Klinës, Prof. Dr. Zenun Elezaj, drejtorin për Shëndetësi dhe Mirëqenie Sociale, Agron Bacaj, ministrin e Shëndetësisë, Dr. Arben Vitia, si dhe opinionit të gjerë, përmes së cilës shpreh ngushëllimet më të sinqerta për familjen e viktimës dhe sqaron detajet e ndërhyrjes. sipas njoftimit zyrtar, pacientja fillimisht kishte marrë shërbim specialistik te mjeku infektolog, i cili i kishte përshkruar terapi me infuzion. Ajo ishte drejtuar më pas te njësia e infuzioneve për të nisur marrjen e terapisë, mirëkat sapo ajo kishte filluar, pacientja kishte shfaqur menjëherë shenja të një reaksioni të rëndë alergjik. Reagimi i stafit mjekësor ka qenë i menjëhershëm, duke e dërguar pacienten në urgjencën e QKMF-së. Atje, mjeku internist në bashkëpunim me kolegët e tjerë kanë ndërmarrë masat e nevojshme për trajtimin e reaksionit alergjik. Megjithatë, për shkak të përkeqësimit të vazhdueshëm të gjendjes, u mor vendimi që ajo të transferohej urgjentisht drejt Spitalit të Pejës me autoambulancë, e shoqëruar ngushtë nga mjeku dhe infermieri. Për të shmangur vonesat nga ngarkesa në trafik, në ndihmë kanë ardhur edhe njësitë policore të Klinës, të cilat kanë shoqëruar automjetin për të përshpejtuar transportin. Gjatë pjesës më të madhe të rrugës, stafit mjekësor i është dashur të kryejë reanimim kardiopulmonar, ndërsa me mbërritjen në Pejë pacientja është intubuar. Pavarësisht përpjekjeve maksimale dhe masave intensive terapeutike, ajo nuk ka mundur të mbijetojë. Aktualisht, rasti po henohet me vëmendje nga institucionet kompetente. Drejtuesit e QKMF-së kanë theksuar se do të bashkëpunojnë plotësisht me organet e drejtësisë, duke vënë në dispozicion të gjithë dokumentacionin mjekësor të kërkuar. Duke ruajtur ndjeshmërinë e lartë të rastit, dinjitetin e ndjerës dhe privatësinë e familjarëve, institucioni shëndetësor ka bërë të ditur se do të pë Lëshojë komente të mëtejshme deri në përfundim të hetimeve zyrtare.