Pakënaqësitë në KEK: Sindikata thërret protestë gjithëpërfshirëse javën e ardhshme për paga më të larta

Punonjësit e Korporatës Energjetike të Kosovës (KEK) janë organizuar sërish për të kundërshtuar kushtet e punës, duke caktuar datën 19 nëntor, të enjten e javës që vjen, për mbajtjen e një proteste të re në kryeqytet. Kërkesat kryesore të protestuesve lidhen ngushtë me përmirësimin e ambientit të punës dhe ngritjen e të ardhurave financiare, të cilat i cilësojnë si joadekuate për sfidat me të cilat përballen çdo ditë. Në thirrjen zyrtare të shpërndarë për anëtarësinë, Sindikata e Re e KEK-ut ka përcjellë një mesazh të fuqishëm mobilizimi: “Të nderuar punëtorë, vazhdojmë të bashkuar për fëmijët tanë, për familjet tona, për prindërit tanë, për dinjitetin tonë dhe për një të ardhme me paga meritore, që të jemi krenarë për punën që bajmë në KEK. JO të varfëruar, JO të nëpërkëmbur, JO të pavlerësuar, JO pa dinjitet dhe JO të lodhur duke humbur shëndetin, duke u varfëruar nga pagat e ulëta, puna e rëndë dhe rreziku i lartë me të cilin përballemi çdo ditë. TË VENDOSUR, VAZHDOjmë TË BASHKUAR!”, thuhet në nomimin e sindikatës. Tubimi protestues është planifikuar të zhvillohet në Prishtinë, ku pritet të bashkohen qindra punonjës të këtij sektori kyç energjetik.