Aksion policor në Mitrovicë: Goditet rrjeti i bixhozit të paligjshëm, arrestohen tre persona dhe sekuestrohen armë e drogë

Gjatë një operacioni të gjerë të zhvilluar së fundmi, autoritetet e rendit kanë ndërmarrë kontrolle në gjashtë adresa të ndryshme në territorin e Mitrovicës së Jugut, të cilat ishin në pronësi të tre individëve të dyshuar për përfshirje në organizimin e paligjshëm të lojërave të fatit. Në kuadër të këtij aksioni, forcat e policisë kanë arritur të sekuestrojnë një sërë provash materiale, ku përfshihen 6 mijë e 844 euro e 80 centë, një armë zjarri e shoqëruar me 10 fishekë, rreth 10 gramë substancë të dyshuar narkotike, si dhe pajisje teknologjike dhe materiale të ndryshme që përdoreshin për veprimtarinë e bixhozit. Po ashtu, gjatë bastisjeve janë konfiskuar edhe nëntë aparate telefonike, një pajisje për regjistrimin e kamerave (DVR), një automjet, nëntë kartela bankare, katër mjetë bluarëse për substanca narkotike, si dhe dëshmi të tjera relevante për hetimin. Të tre të dyshuarit janë prangosur në vendngjarje dhe, pas intervistimit, me urdhër të prokurorit të rastit janë dërguar në qendrën e mbajtjes për masën e mëtejshme ligjore. Ndaj tyre janë ngritur dyshimet për kryerjen e veprave penale “Organizimi i skemave piramidale dhe bixhozit të paligjshëm”, “Mbajtja në pronësi, kontroll ose posedim të paautorizuar të armëve”, si dhe “Posedim i paautorizuar i narkotikëve, substancave psikotrope ose analoge”.