Goditje e madhe për KB Pejën: Dardan Berisha rikthehet në shtëpi

KB Peja ka konfirmuar zyrtarisht rikthimin e basketbollistit me përvojë të jashtëzakonshme, Dardan Berisha. Ky transferim shihet si një lëvizje kyçe për skuadrën verdhezi, e cila synon të konsolidojë radhët e saj dhe të rrisë ndjeshëm nivelin e lojës në vazhdim të kampionatit. Aktualisht, pozita e Pejës në tabelën e klasifikimit nuk është ndër më të mirat. Pas tetë xhirove të zhvilluara në elitën e basketbollit kosovar, skuadra renditet në vendin e shtatë me vetëm 10 pikë të grumbulluara. Një bilanc ky që nuk përkon me pritshmëritë e një klubi me traditë dhe emër të madh siç është Peja. Ardhja e kapitenit të kombëtares së Kosovës pritet të jetë një shtysë e madhe për ekipin drejt kthesës së rezultateve. Berisha, i cili përveç përvojës në fanellën e Pejës, ka lënë gjurmë të pashlyeshme edhe te Prishtina, si dhe ka zhvilluar një karrierë të pasur nëpër klube të ndryshme evropiane, do të jetë lideri kryesor në fushë për të ndihmuar klubin në ngjitjen drejt kreut të renditjes.