Microsoft në proces të stabilizimit: Shërbimet po rikthehen pas kolapsit global

Gjiganti teknologjik Microsoft ka konfirmuar se është duke shënuar progres të ndjeshëm në rimëkëmbjen e shërbimeve të tij, pas ndërprerjes masive që paralizoi funksionimin e platformave kyçe në shkallë globale. Probleme teknike kanë prekur përdoruesit e aplikacioneve si Outlook, Teams dhe asistentit virtual të inteligjencës artificiale, Copilot. Kjo ndërprerje e gjerë ka shkaktuar vështirësi të konsiderueshme në komunikimin e brendshëm të shumë kompanive dhe institucioneve shtetërore në vende të ndryshme të botës. Ndërkohë që po hyjmë në ditën e dytë të kësaj problematike, ekipet teknike janë angazhuar maksimalisht për të rikthyer funksionalitetin e plotë të sistemeve dhe për të minimizuar pasojat për përdoruesit.