Hap i madh në Zagreb: Flaka Loxha shkëlqen dhe kalon në çerekfinale

Xhudistja nga Kosova, Flaka Loxha, ka vazhduar rrugëtimin e saj drejt medaljeve në turneun prestigjioz Grand Prix Zagreb 2026, duke siguruar një vend në mesin e tetë më të mirave të kësaj gare. Ajo e ka nisur paraqitjen e saj me një paraqitje mbresëlënëse në rrethin e parë, ku ka triumfuar ndaj garueses nga Bosnja dhe Hercegovina, Andjela Samardzic, duke e mposhtur me anë të Ippon-it. Forma e lartë e Loxhës është konfirmuar edhe në sfidën e radhës në xhiron e dytë. Ajo ka regjistruar një fitore tjetër të madhe, kësaj radhe kundër xhudistes kroate Ana Viktorija Puljiz, e cila mban medaljen e bronztë nga Kampionati Botëror, duke e kaluar pengesën e saj përmes pikëve Yuko.