Trajneri i Izraelit vlerëson lart Kombëtaren e Kosovës para duelit në Ligën e Kombeve

Kryetrajneri i Përfaqësueses së Izraelit, Ran Ben Shimon, ka dalë sot para gazetarëve në një konferencë për shtyp, në prag të ndeshjes së rëndësishme kundër Kosovës në kuadër të Ligës së Kombeve. Gjatë fjalës së tij, Ben Shimon theksoi se forcat mes dy skuadrave janë mjaft të barabarta dhe parashikon një sfidë tepër interesante në fushën e gjelbër. "Niveli i dy përfaqësueseve është i afërt. Kosova është përfaqësuese e fortë, do të jetë interesante si përballje", u shpreh ai para mediave. Duke folur për ecurinë dhe statistikat, strategu izraelit shtoi se e kaluara nuk ka peshë në këtë takim. "Sa i përket rezultateve nuk bazohemi në histori. Kosova ka ekip të mirë por do të shohim nesër", përfundoi Ben Shimon.