Përplasje e ashpër në shtëpi: Nici shpërthen ndaj Arlindës pasi kjo e fundit i heq jorganin

Mbrëmjen e kaluar, banorët e shtëpisë më të ndjekur në vend janë përfshirë në një konflikt të tensionuar, protagonistë të të cilit kanë qenë Arlinda dhe reperi Nici. Skena e tensionit u regjistrua pranë shtratit të artistit, ku Arlinda iu afrua dhe i hoqi jorganin, një gjest ky që solli menjëherë një reagim të furishëm nga ana e tij. “Mos më prek, Arlindë, po të them! Mos ma prek jorganin, oj çikë! Mos ma hiq jorganin, o shqiptarë! Oj e sëmurë, o njeri i sëmurë”, dëgjohet të jetë shprehur reperi me tone mjaft të ashpra drejt saj. Në ato çaste kritike, për t'i ulur gjakrat në ambient u ndodh edhe banorja Zoja, e cila ndërhyri për të qetësuar situatën, duke i kërkuar Arlindës që tërhiqet dhe ta lëjë reperin rehat. “Qeshtu ma bën çdonjënatë”, ia kishte kthyer Arlinda asaj për t'u arsyetuar. Pavarësisht se shkas i saktë i këtij debati të ashpër mbetet ende i paqartë, marrdhënia mes dy banorëve dukej e tensionuar, pasi edhe gjatë orëve paraprake ata ishin parë duke diskutuar me nota pakënaqësie mes hezitimesh.